Additional Jesus resources in Southwest Tanna:
Southwest Tanna is spoken in the following countries:
- Vanuatu
Yesu - Southwest Tanna
Here are some extracts from a Southwest Tanna translation of the Bible that talk about Jesus. The extracts are from the Gospel of Mark.
Image of text
PDF version extracts of Mark (81kB)PDF version whole book of Mark (299kB)
You will need Adobe Reader to view pdf files, which can be downloaded free here
Font
To view this page properly, you can download the necessary font here.
1.1
Jon Bɑptɑes rɑmǝmɨr ikɨn ruhiko ikɨn mɑmniǝrhɑv nǝɡkiɑrien
(Mɑtiu 3:1-12; Luk 3:1-18; Jon 1:19-28)
1 In e Nǝɡkiɑrien Huvǝ kɑpe Yesu Kristo, Ji Kuɡhen.
1.14-15
Nɨrikɑkunien kɑpe Yesu rɑmniǝrhɑv kɑfɑn Nǝɡkiɑrien Huvǝ ye Gɑlili
(Mɑtiu 4:12-17; Luk 4:14-15)
14 Mǝknekɨn, khɑrǝhsi-pǝn Jon ye kɑlɑbus. Kɨni ɑi, Yesu rɨpiuǝ ye Gɑlili. In mɑmni-ǝrhɑv Nǝɡkiɑrien Huvǝ kɑpe Kuɡhen. 15 Mɨmǝ, “Tɑktǝkun ɑi, rɨnor ɑtuɑtuk nɨpɨɡ. Nɑrmɑruyen kɑpe Kuɡhen ruɑuǝ-tɑ. Tɑksɑrɑr ye nǝrɨɡien kɑpemiǝ tuk tǝvhɑɡǝ hɑh kɑpǝmiǝ, mhɑni nǝfrɑkɨsien ye Nǝɡkiɑrien Huvǝ kɑpe Kuɡhen.”
1.21-27
Yesu rɨmnɑkotɑ yɑrhmǝ ye yermɑmǝ kɨrik
(Luk 4:31-37)
21 Yesu mɨne nɑrmɑmǝ kɑfɑn khɑvǝn ɑpɑ yerkwɑnu kɨrik, nhɑɡɨn e Kɑpɑneɑm. Ye Sɑbɑt yɑme rɑkwɑsɨɡ, Yesu rɨvǝn ɑpɑ nimǝhuɑk kɑpe nǝmǝ Isrel, kɨni mɑmhɑjoun nɑrmɑmǝ. 22 Nɑrmɑmǝ kɨmɨsǝrɨɡ kɑfɑn nǝɡkiɑrien, kɨsɑkur, meinɑi kɑfɑn nǝɡkiɑrien nɑnmɨn ɑikɨn, rɨpǝh nǝmhenien kɨn nǝɡkiɑrien kɑpe nǝmhɑjoun kɑpe Loɑ kɑpe Moses. 23 Ye nɨpɨɡ ɑ, yermɑmǝ kɨrik, nɑnmɨn hɑs rɑmǝmɨr irɑn. Kɨni in ruǝ mɨn ye nofuɡɨnien kɑpǝriǝ. Kɨni ɑi in mokrɑpǝmh kɨn Yesu mɨmǝ, 24 “Eh, Yesu, yemǝ Nɑsɑret, ?Ik nɨmɑuǝ ikɨn e mǝ tɑkhɑwor ǝmɑwǝ? Tukmǝ ror Ik nɨmɑuǝ mǝ tɑkoriɑh ǝmɑwǝ. Yo yɑkwɨrkun-tɑ mǝ Ik e Ik Yemǝ Imǝrhɑkǝ kɑpe Kuɡhen.” 25 Mǝrɨɡ Yesu rɨmnǝɡkiɑr-pǝn skɑi kɨmi nɑnmɨn hɑs ɑi, mɨmǝ, “!Eh! Pim. ǝtɑ ye yermɑmǝ e.” 26 Mǝknekɨn, nɑnmɨn hɑs ɑi ror nɨprɑi yermɑmǝ rǝtǝmnɨmɨn pɨk kɨni mokrǝn ehuǝ, mǝtɑ irɑn, mɨvǝn isok. 27 Kɨni nɑrmɑmǝ mɨnǝ ɑikɨn kɨsɑkur, mɨsɑiyoh ǝriǝ mɨnǝ mhɑmǝ, “!Eh! ?Rhɑwor e? Nǝɡkiɑrien vi kɨrik e. Kwǝn e kɑfɑn nǝɡkiɑrien ror nɑnmɨn. Tukmǝ In rǝɡkiɑr kɨmi nɑnmɨn hɑs mɨnǝ kɑsor nǝkwɑn.”
1.32-34
32 Kɨni rɨnɑmenɑiyu, nɑrmɑmǝ yɑmǝ mɨne kɨmnhɑmhǝ, mɨne nɑrmɑmǝ yɑmǝ mɨne nɑnmɨn hɑs rɑmǝmɨr irǝriǝ, iriǝ mɨnǝtɨksɨn kɨmnhɑkɨr-pǝ ǝriǝ tuk Yesu. 33 Nɑrmɑmǝ mɨnǝ fɑm ɑ yerkwɑnu ɑikɨn, kɑsofuɡɨn ǝriǝ mɨnǝ e ye kworuǝ ye nimǝ Yesu rɑmɑrǝ ikɨn. 34 Kɨni Yesu ror huvǝ nɑrmɑmǝ khɑpsɑɑh yɑmǝ mɨne kɨmnhɑwǝh nɨmhǝyen pɨsɨn pɨsɨn. In mɑmǝkotɑ mɨn nɑnmɨn hɑh mɨnǝ ye nɑrmɑmǝ, mɑmni-ǝhu nɑnmɨn hɑs mɨnǝ mǝ tukhɑpǝh nɨsǝɡkiɑrien, meinɑi iriǝ kwǝnhɑrkun-tɑ In.
2.1-12
Yesu rɨmnor huvǝ yermɑmǝ kɨrik nɨprɑn rɨmɑmhǝ
(Mɑtiu 9:1-8; Luk 5:17-26)
1 Nɨpɨɡ tɨksɨn ruǝ mɨvǝn, Yesu rɨrerɨɡ muǝ mɨn yerkwɑnu ye Kɑpɑneɑm. Kɨni nɑrmɑmǝ kwǝsǝrɨɡ mǝ In ɑikɨn. 2 Kɨni ɑi, nɑrmɑmǝ khɑpsɑɑh khɑvǝn ɑikɨn, mhɑvǝn imǝ, kwǝnhmɑn rɨmǝrkǝskǝh. Nimǝ rukwɑr meriɑji kworuǝ rɨsisǝɡ. Kɨni ɑi Yesu rɑmni-ǝhrɑv-pǝn Nǝɡkiɑrien Huvǝ kɑpe Kuɡhen tuk ǝriǝ. 3 Mǝrɨɡ nɨpɨɡ rɑmǝɡkiɑr hɑnǝ, nɑrmɑmǝ kuɑs khɑrɨh yermɑmǝ kɨrik nɨprɑn rɨmɑmhǝ. 4 Mǝrɨɡ, iriǝ to khɑpǝh nhɑrɨhyen yermɑmǝ ɑi mhɑvǝn ipɑkǝ tuk Yesu meinɑi nimǝ rukwɑr kɨn nɑrmɑmǝ. Kɨni kɨshɑktǝ ɑpɑ tokrei nimǝ, mɨsǝhipu-tɑ nɨkɑr nimǝ kɨrik, kɨni mhɑrɨh nɨkǝokǝo yermɑmǝ rɑmɑpɨr pǝn irɑn, mhɑvi, reiwɑiyu-pǝn. 5 Nɨpɨɡ Yesu rǝm nhɑtǝtǝyen kɑpǝriǝ, rɨni-pǝn tuk yermɑmǝ ɑi nɨprɑn rɨmɑmhǝ, mɨmǝ, “Kɑfɑk kwɑjikovǝ, Yo yɑkwǝrɨhsi-tɑ tɑ tǝvhɑɡǝ hɑh kɑfɑm.” 6 Mǝrɨɡ nɑmhɑjoun tɨksɨn kɑpe Loɑ kɑpe Moses kɑsɑkwotǝ, mɨsǝm norien ɑ, mɨnǝsɑiyoh ǝriǝ mɨnǝ tukun. 7 Khɑni mhɑmǝ, “?Rhɑwor kwǝn e rɑmni hɑh Kuɡhen? Nǝɡkiɑrien e rɑhɑs. Kuɡhen pɨsɨn ǝmǝ In rɨrkun nɨrɨhsitɑyen tǝvhɑɡǝ hɑh kɑpe nɑrmɑmǝ. !Pɑ mɨn ɑi tukrɨwǝhsitɑ!” 8 Mǝrɨɡ Yesu ruɨrkun-tɑ nǝrɨɡien kɑpǝriǝ. Kɨni ɑi mɨnɑmni-pǝn tuk ǝriǝ, mɨmǝ, “?Rhɑwor e nɑkɑsǝrɨɡ mǝknekɨn? 9 ?Jɑknipǝn nɑhɑ tuk yermɑmǝ ɑ, kɨni kɨmiǝ nɑkɑsǝm ǝfrɑkɨs? ?Mǝ jɑkni-pǝn tuk yermɑmǝ ɑ mǝ kɑfɑn tǝvhɑɡǝ hɑh yɑkwǝrɨhsi-tɑ tɑ? ?Uǝ mǝ jɑkni mǝ yermɑmǝ tukrhekɨmter mɨrǝh kɑfɑn nɨkǝokǝo meriwɑk mɑmvǝn? 10 Sǝmru, Yo yɑkorkeikei mǝ jɑkor yo mǝ tɑkhɑrkun mǝ Ji Yermɑmǝ rɑwǝh nehuǝyen ye tokrei nɨmoptɑnǝ e tuk nɨwǝhsitɑyen tǝvhɑɡǝ hɑh kɑpe nɑrmɑmǝ.” Mǝkneikɨn rɨnipǝn tuk yermɑmǝ nɨprɑn rɨmɑmhǝ mɨmǝ, 11 “Yɑkɑmni-pre tuk ik mǝ, ‘Tɑkhekɨmter, mɨrǝh kɑfɑm nɨkǝokǝo, meriwɑk, mɑmvǝn ɑpɑ imɑm yerkwɑnu.’ ” 12 Yesu rɑmǝɡkiɑr hɑnǝ, kɨni yermɑmǝ ɑi rhekɨmter, mɨrǝh kɑfɑn nɨkǝokǝo ye nɨmrɨriǝ, meriwɑk mɑmvǝn. Mǝknekɨn kɨmǝsǝm kɨsɑkur. Mɨsǝɡnǝɡɨn Kuɡhen, mɑmhɑni mǝ, “!Eh! Kɨtɑwǝ khɑpǝh nɨsǝm-hɑnǝ-yen nɑr kɨrik ror mǝknekɨn.”
4.35-41
Yesu rɨmɨniǝhu nɨmǝtɑɡ ehuǝ ye tɑme tɑhik
(Mɑtiu 8:23-27; Luk 8:22-25)
35 Kɨni ye nɨpɨɡ ɑ, mɨrh rɨnɑmewɑiyu, Yesu rɨnipǝn tuk kɑfɑn nɑrmɑmǝ mɨnǝ mɨmǝ, “Pǝh khɑvǝn ɑpɑ nɨkɑr tɑhik pǝn.” 36 Kɨni kɨsɑptɑ ye nɑrmɑmǝ, mɨsɑt-pǝn ye bot yɑme Yesu rɑmkwotǝ irɑn, mhɑvirǝ. Kɨni bot mɨnǝ tɨksɨn kɨmnhɑkwɑsɨɡ mɨn kɨn ǝriǝ. 37 Mhɑvirǝ, mhɑvirǝ, nɨmǝtɑɡ ehuǝ kɨrik rɑvǝn kɨni tɑhik rehuǝ pɨk, ipɑkǝ rɑkǝtǝnɨm kɨn bot. 38 Mǝrɨɡ Yesu in rɑmɑpɨr mɑmǝsɑvǝ huvǝ ye nǝkwɑi bot. Mǝrɨɡ nɑrmɑmǝ kɑfɑn kɨmnhɑsɨɡ In. Mhɑmǝ, “Yɑjoun, !ǝmru! !Tuksǝmnɨm tɑktǝkun, mǝrɨɡ Ik nɑkpǝh nǝrɨɡien!”
39 Mǝkneikɨn Yesu rhekɨmter mǝɡkiɑr kɨmi nɨmǝtɑɡ mɨne tɑhik mɨmǝ, “Rɑpǝhrǝ.” Kɨni ɑi nɨmǝtɑɡ rewɑiyu, tɑhik reiwɑiyu; mɑmǝrinu mɨn.
40 Kɨni Yesu rɨnipǝn tuk kɑfɑn nɑrmɑmǝ mɨmǝ, “?Nɑkshɑwor mɑmhɑɡɨn mǝknekɨn? ?Nhɑtǝtǝyen kɑpǝmiǝ rɨrkǝk hɑnǝ uǝ?”
41 Mǝrɨɡ iriǝ kwǝnhɑɡɨn pɨk. Mɑmhɑni-pǝn tuk ǝriǝ mɨnǝ mhɑmǝ, “?Nɑhɑ e yermɑmǝ? !Rǝɡkiɑr, nɨmǝtɑɡ mɨne nu kwor nǝkwɑn!”
5.22-24
22 Yɑmehuǝ kɨrik kɑpe nimǝhuɑk kɑpe nǝmǝ Isrel, nhɑɡɨn e Jɑerɑs, ruǝ mǝm In. Nɨpɨɡ rɨmnǝm Yesu, ruǝ mɨnɨmkur ye nɨmrɨn 23 kɨni mɑsǝk ǝtɡɨn, mɨmǝ, “Yɑjoun, piɑkǝskǝh kɑfɑk nɨmhǝyen rɨnerieji. Yuǝru mǝrǝhu-pǝn kwermɨm irɑn, pǝh in rǝsɑnɨn.” 24 Kɨni Yesu rɨvǝn iriu min.
5.35-42
35 Nɨpɨɡ Yesu rɑmǝɡkiɑr hɑnǝ, nɑrmɑmǝ tɨksɨn khɑsɨpǝn ɑpɑ ime Jɑerɑs, yɑmehuǝ kɨrik kɑpe nimǝhuɑk kɑpe nǝmǝ Isrel, khɑtǝrhɑvpǝ. Mhɑnipǝn tuk Jɑerɑs mhɑmǝ, “Tɑkpǝh norien nɑrkutien kɨmi Yɑjoun e kɨn neriwɑkien. Kɑfɑm piɑkǝskǝh ruɑmhǝ tɑ.”
36 Kɨni Yesu rɨmnǝrɨɡ khɑni mǝknɑkɨn, rɨnipǝn tuk Jɑerɑs mǝ, “Rɨkim tukrɑpǝh nɑpoyen. Tɑkhɑtǝtǝ ǝmǝ irɑk.”
37 Kɨni Yesu rɨniǝhu nɑrmɑmǝ mǝ tukhɑpǝh nhɑkwɑsɨɡien kɨn. Kɨni in mɨkɨr ǝmǝ Pitɑ, Jemes, mɨne Jon, piɑu Jemes irisɨr min. 38 Khɑtǝrhɑv-pǝ ime yemehuǝ ɑ. Yesu rǝm mǝ nɑrmɑmǝ khɑpsɑɑh ɑikɨn. Kɑsɑsǝk mɑmhɑurɨɡ-urɨɡ pɨk. 39 Rɑuru-pǝn imǝ mɨnipǝn tuk ǝriǝ mǝ, “?Rhɑwor nɑkɑmhɑurɨɡ-urɨɡ pɨk ɑ? Piɑkǝskǝh rɨpǝh nɨmhǝyen, mǝrɨɡ in rɑmɑpɨr ǝmǝ.” 40 Kɨsǝrɨɡ kɨsɑrh iɑkei irɑn.
Mǝknekɨn Yesu rher yerhɑv kɨn ǝriǝ ɑpɑ iruǝ, kɨni mɨpǝh ǝmǝ rɨm piɑkǝskǝh ɑi, mɨne nɨsɨni mɨne kwǝrǝ misɨr ɑi yɑme kɑrhkwɑsɨɡ kɨn In. Khɑvǝn mɨsǝm piɑkǝskǝh ɑi. 41 Yesu rɨwǝh kwermɨn mɨnipǝn tukun mǝ, “Tɑlitɑ kum.” (Ye nǝɡkiɑrien kɑpǝriǝ, nɨprɑn rɨmǝ, “Piɑkǝskǝh, yɑkɑmni-pre tuk ik mǝ, ‘Hekɨmter.’ ”) 42 Mǝknekɨn, piɑkǝskǝh ɑi rhekɨmter meriwɑk. (Piɑkǝskǝh ɑi kɑfɑn newk twelef). Kɨmǝsǝm norien ɑi Yesu rɨmnor, kɨsɑkur pɨk.
7.18-23
18 Kɨni rɨnipǝn tuk ǝriǝ mɨmǝ, “?Rhɑwor? ?Kɨmiǝ mɨn nɑkseinein? Tɑkhɑrkun mǝ nɑrɨmnɑr yɑme kɑmǝn to rɑpǝh norien yermɑmǝ rǝmkɨmɨk ye nɨmrɨ Kuɡhen. 19 Nɑrɨmnɑr yɑme ror mǝknɑkɨn to rɨpǝh nɨvǝnien yerkin. Mɨvǝn ye tɨpeuǝ en mɨpitǝrhɑv hɑnǝ mɨn.” (Nǝɡkiɑrien ɑ kɑpe Yesu rɨni huvǝ fɑm nǝvɨɡɨnien mɨnǝ ye nɨmrɨ Kuɡhen).
20 Kɨni In mɨmǝ, “Mǝrɨɡ nɑrɨmnɑr yɑme rɑmsɨ-pǝn yerki yermɑmǝ in en rɑmor yermɑmǝ rɑmǝmkɨmɨk ye nɨmrɨ Kuɡhen. 21 Meinɑi in ɑi yerki yermɑmǝ, nǝrɨɡien hɑh rɨpsɑɑh, rǝmhen kɨn nǝkrǝhyen kɨn pirɑovǝn, nhopniyen yermɑmǝ, nɑpɨr-pǝnien tuk piɑkwǝnɑhin, nǝkrǝhyen, 22 nǝptɨɡien kɨn nɑutǝ, norien hɑs, nor ɑpnɑpɨɡien nɑr, neikuǝyen, nɨniyen nɨkɑr jir, nɑnipɨnien, nǝɡkiɑr-ɑusitien, mɨne nǝtǝwɑoyen. 23 Norien hɑs mɨnǝ ɑ kɑmhsɨ-pǝn yerki yermɑmǝ mor yermɑmǝ rɑmǝmkɨmɨk ye nɨmrɨ Kuɡhen.”
9.2-8
Nɨprɑi Yesu rukrekɨn pɨsɨn
(Mɑtiu 17:1-9; Luk 9:28-36)
2 Nɨpɨɡ sikis ruǝ mɨn, Yesu rɨkɨr Pitɑ, Jemes mɨne Jon mɨshɑktǝ fiɑk ye tukwɑs ǝpomh kɨrik. Irisɨr pɨsɨn ǝmǝ kɨmɨrhkwɑsɨɡ kɨn. Nɨpɨɡ khɑrɑrer mhrǝm mǝ nɨprɑi Yesu rukrekɨn pɨsɨn. 3 Nepǝn kɑfɑn rhɑwǝn pɨk. Kɨni to yermɑmǝ kɨrik ye tokrei tɑnǝ e rɨpǝh norien nepǝn kɨrik rhɑwǝn mǝsiǝ mǝknɑkɨn. 4 Kɨni yermɑmǝ misɨr ɑi kɑfɑn krhǝm yemɑsur kupǝn mir kɑpe Kuɡhen kɨrɑru, Elɑejɑ mɨne Moses, krɑtǝrhɑv-pǝ mɨn, mɑwǝɡkiɑr irisɨr Yesu.
5 Kɨni Pitɑ rɨnipǝn mɨn tuk Yesu mǝ, “Yɑjoun, rhuvǝ mǝ kɨmɑsɨr jɑkǝhrɑrǝ ǝmǝ ikɨn e. Pǝh jɑkrhor kwǝnǝnɨm nimǝ kɨrik. Kɑfɑm kɨrik, kɑpe Moses kɨrik, kɨni kɑpe Elɑejɑ kɨrik.” 6 (Khrɨɡɨn, kɨni Pitɑ rɨmnǝɡkiɑr ɑpnɑpɨɡ ǝmǝ).
7 Mǝknekɨn nǝpuǝ kɨrik reiwɑiyu, muvrɨɡ ǝpɨs ǝriǝ. Kɨsǝrɨɡ nǝɡkiɑrien kɨrik rɨsɨ-pǝn ye nɑpuǝ mɨmǝ, “In e Nɑrɨk keikei yɑkorkeikei pɨk. !Tɑksǝtǝrɨɡ kɨn In!”
8 Mǝknekɨn, krhɑrhɑhɑ, mrhɨpǝh mɨn nɨrhǝmien ǝriu. Yesu pɨsɨn ǝmǝ rɑmɑrer.
12.28-31
Loɑ nɑhɑ ɑi in rehuǝ pɨk
(Mɑtiu 22.34-40; Luk 10.25-28)
28 Kɨni yɑjoun kɨrik kɑpe loɑ kɑpe Moses rɨmnǝrɨɡ nǝɡkiɑrien mɨnǝ ɑi, mǝ Yesu rɑmoprɑi huvǝ, kɨni ruǝ mɨnɑmɑiyohpǝn In mɨmǝ, “?Nɑhɑ loɑ in rehuǝ pɨk rɑpitɑ tɨksɨn, kɨni mɨhuvǝ pɨk tuk nǝripǝnien?”
29 Kɨni Yesu rɨnipǝn tukun mɨmǝ, “Loɑ yɑme rehuǝ pɨk rɑpitɑ tɨksɨn in e rɑmni mǝknekɨn, ‘!Kɨmiǝ nǝmǝ Isrel! !Tɑksǝrɨɡ huvǝ! Kuɡhen in Yermɑru kɑpetɑwǝ. Kɨni In pɨsɨn ǝmǝ In Kuɡhen. 30 Tɑksǝkeikei mɨsorkeikei pɨk Kuɡhen ɑi In Yermɑru kɑpǝmiǝ ye rɨkimiǝ fɑm, mɨne ye nɑrǝyen kɑpǝmiǝ, mɨne ye nǝrɨɡien kɑpǝmiǝ, mɨne ye nǝsɑnɨnien kɑpǝmiǝ.’¹ 31 Loɑ yɑme rɨkwɑsɨɡ kɨn rɑmni mǝknekɨn, ‘Tɑksorkeikei nɑrmɑmǝ yɑmǝ mɨne kɑsɑrǝ ipɑkǝ tuk ǝmiǝ mɨsor huvǝ pǝn tuk ǝriǝ, rǝmhen kɨn yɑme kɨmiǝ nɑksorkeikei ɑtuk ǝmiǝ.’² Loɑ kɨrik mɨn rɨrkǝk yɑme in rɑpitɑ yɑmǝ mir e.”
14.10-11
Judɑs rɨneiɡhɑn kɨn Yesu kɨmi tɨkmɨr mɨnǝ kɑfɑn
(Mɑtiu 26.14-16; Luk 22.3-6)
10 Kɨni Judɑs Iskɑriot, in yermɑmǝ kɨrik ye nɑrmɑmǝ twelef kɑpe Yesu, rɨvǝn mǝm jif pris mɨnǝ tuk norien swɑtuk tuk neiɡhɑn-pǝnien kɨn Yesu. 11 Rɨvǝn mǝm ǝriǝ, rɨkiriǝ rɑɡien, kɨni kɨmnhɑni mǝ tukhɑwǝhsi-pǝn mɑne kɨmin. Kɨni Judɑs rɨvǝn, mɑmɑrǝ, meito kɨn nɨpɨɡ tuk neiɡhɑn-pǝnien kɨn Yesu kɨmi ǝriǝ.
15.6-15
Pɑelɑt rɨmǝ Yesu tukrɑmǝkeikei mɨmhǝ
(Mɑtiu 27.15-26; Luk 23.13-25; Jon 18.39--19.16)
6 Ye newk mɨnǝ fɑm, nɨpɨɡ kɑpe Nǝvɨɡɨnien kɑpe Pɑsovɑ, nǝmǝ Isrel khɑrkun nɨniyen nhɑɡ yermɑmǝ kɨrik kɨwǝhsi-pǝn tɑ ye kɑlɑbus, kɨni yɑmehuǝ rɨrɨsɨn kɨn kɨrik rɑmvǝn. 7 Kɨni nɑrmɑmǝ tɨksɨn kɑsǝmɨr ye kɑlɑbus meinɑi kɨmnhɑmǝ tukhɑuh ɡɑvmɑn, kɨni mɨshopni nɑrmɑmǝ tɨksɨn. Iriǝ kɨrik nhɑɡɨn e Bɑrɑbɑs. 8 Kɨni kuhen ɑi ruǝ mǝm Pɑelɑt mɑmɑiyoh-pǝn in mǝ tukror norien yɑme rɑmor rerɨn mɨrɨsɨn yermɑmǝ kɨrik ye kɑlɑbus. 9 Kɨni Pɑelɑt rɑiyoh ǝriǝ mǝ, “?Nɑksorkeikei mǝ jɑkrɨsɨn Yermɑru kɑpe nǝmǝ Isrel uǝ?” 10 In rɑmɑiyoh mǝknɑikɨn meinɑi in rɨnǝm tɑ mǝ jif pris mɨnǝ kɨmɨsǝrǝhu pǝn Yesu ye kwermɨn meinɑi kɑsǝmǝkɨn Yesu tuk yɑmɑi mǝ nɑrmɑmǝ fɑm kɨsorkeikei In.
11 Kɨni jif pris mɨnǝ kɨmnhɑni mhɑni pǝn tuk kuhen ɑi mhɑmǝ tukrɨpǝh neiɡhɑnien kɨn Yesu mǝ tukrɨtǝrhɑv. Mǝrɨɡ tukreiɡhɑn kɨn Bɑrɑbɑs. 12 Kɨni Pɑelɑt in rɑiyoh pǝn mɨn ǝriǝ mɨmǝ, “?Mǝrɨɡ jɑkhɑwor kwǝn yɑme kɨmiǝ nɑkɑmhɑni mǝ In Yermɑru kɑpe nǝmǝ Isrel?”
13 Kɨni iriǝ kɨsokrǝn ehuǝ mhɑmǝ, “!Tukruk ye nɑi kɑmɑrkwɑo kɨn!”
14 Mǝrɨɡ Pɑelɑt rɑiyoh pǝn mɨn ǝriǝ mǝ, “?Tuk nɑhɑ? ?Nɑhɑ norien yɑme rɨmnor rɑhɑs?”
Mǝrɨɡ iriǝ kɨsokrǝn ehuǝ pɨk mɨn mhɑmǝ, “!Tukruk ye nɑi kɑmɑrkwɑo kɨn!”
15 Kɨni Pɑelɑt rɨnorkeikei mǝ tukror rɨkiriǝ, meiɡhɑn kɨn Bɑrɑbɑs rɨtǝrhɑv ye kɑlɑbus. Kɨni rɨmǝ tukǝrkɨs-ǝrkɨs Yesu, kɨkɨr In kɑvǝn kɨruk ye nɑi kɑmɑrkwɑo kɨn.
15.33-39
Yesu rɨmɑmhǝ
(Mɑtiu 27.45-56; Luk 23.44-49; Jon 19.28-30)
33 Yerkwehɑ ǝmǝ, mǝrɨɡ nǝpɨɡnǝpien ruǝ muvrɨɡ ǝpɨs tɑnɨmtɑnǝ meriɑji tri klok. 34 Kɨni ye tri klok, Yesu rokrǝn ehuǝ mɨmǝ, “Eli, Eli. ?Lɑmɑ sɑbɑktɑni?” Nɨprɑn rɨmǝ, “!Kuɡhen kɑfɑk! !Kuɡhen kɑfɑk! ?Rhɑwor nɑkɑmɑpitɑn kɨn Yo?”³
35 Kɨni nɑrmɑmǝ tɨksɨn yɑmǝ mɨne kɑsɑrer ɑikɨn mɨsǝrɨɡ nǝɡkiɑrien ɑi kɨni mhɑmǝ, “Sǝrɨɡru. In rɑmokrǝn kɨn Elɑejɑ.” 36 Kɨni kwǝn kɨrik rɑiyu ǝtkin mɨvǝn mɨrǝh nɨpɑr-pɑr nepǝn meires ye wɑen ǝkwɑhir. Mǝrkɨs pǝn ye nɑi ǝpomh kɨrik kɨni mɨwǝhsihɑktǝ pǝn kɨmi Yesu mǝ tɨkrɨnɨm. Kɨni mɨmǝ, “Pǝh kɨsǝmru mǝ to Elɑejɑ ruǝ mɑsitu irɑn uǝ.”
37 Mǝrɨɡ Yesu rɑrǝ mokrǝn ehuǝ mɨn kɨni ɑi kɑfɑn neihɑɡien rɨtǝrhɑv.
38 Kɑfɑn neihɑɡien rɨtǝrhɑv ɑikɨn, kɨni nǝkwɑi nimǝ ehuǝ kɑpe Kuɡhen, kɨruk nepǝn kɨrik yɑme kɨmnǝtɑpɨɡ kɨn Kwǝnmhɑn yɑme Rǝmrhɑkǝ Mǝmrhɑkǝ pɨk. Nepǝn ɑ rǝhipu nɨpɑrɨn kɨrɑru. Rǝhipu ɑpɑ yerpɨrɨɡ ǝɡkɑp meiwɑiyu. 39 Kɨni yɑmehuǝ kɑpe mobɑel in rɑmɑrer ipɑkǝ tuk Yesu. Rɨmnǝm nɨmhǝyen kɑpe Yesu kɨni rɨni mɨmǝ, “Nǝfrɑkɨsien. Kwǝn e In Ji Kuɡhen.”
15.42-46
Josef rɨmɨnɨm Yesu
(Mɑtiu 27.57-61; Luk 23.50-56; Jon 19.38-42)
42 Nɨpɨɡ ɑ, khɑmni kɨmǝ nɑpnǝpenǝyen meinɑi tɨkni rɨkwɑmɨr kɨn nɨpɨɡ kɑpe Sɑbɑt. Ipɑkǝ mɨrh reiwɑiyu, 43 Josef, in yemǝ Arɑmɑtiɑ, rɨtǝrhɑv-pǝ. In yermɑmǝ kɨrik kɑpe kɑonsel kɑpǝriǝ, yɑme yermɑmǝ kɑmhɑsiɑi mɨn in. Kɨni in mɨn rɑmeito kɨn nɑrmɑruyen kɑpe Kuɡhen mǝ tukruǝ. Rɑmɡɨn pɑwk, mǝrɨɡ rɨmnɑrɑr mɨvǝn mǝm Pɑelɑt, kɨni rɑiyoh-pǝn kɨn in mǝ tukreiɡhɑn kɨn nɨprɑi Yesu. 44 Mǝrɨɡ Pɑelɑt rɨmnǝrɨɡ mǝ Yesu rɨmɑmhǝ ɑihuɑɑ ǝmǝ, kɨni rɑkur pɨk kɨn. Kɨni mokrǝn kɨn yɑmehuǝ kɑpe mobɑel mɑiyoh-pǝn in mǝ, “?Yesu ruɑmhǝ-tɑ ǝfrɑkɨs uǝ?”
45 Kɨni yɑmehuǝ ɑi reiɡhɑn kɨn. Pɑelɑt rɨmnǝrɨɡ mɨn nǝɡkiɑrien ɑ, reiɡhɑn kɨn Josef mǝ tukrɨvǝn mɨrǝh nɨprɑi Yesu. 46 Kɨni Josef rɨvǝn mɨrǝhsiǝhu Yesu ye nɑi kɑmɑrkwɑo kɨn. Mɨvǝn mɨwǝh nɨmrɨ nepǝn huvǝ kɨrik muǝ muvrɨɡ nɨprɑi Yesu kɨn nepǝn ɑi. Kɨni mɨrǝh mɨvǝn mǝrǝhu ye nǝpɑɡ kɑpier kɨrik yɑme kɨnor huvǝ tɑ. Kɨni mǝtɑpɨɡ ǝswɑsɨɡ kɨn kɑpier ehuǝ kɨrik.
16.1-7
Yesu rɨmǝmrɑɡh mɨn
(Mɑtiu 28.1-8; Luk 24.1-12; Jon 20.1-10) 1 Rɨnɑmenɑiyu, nɨpɨɡ kɑpe Sɑbɑt rɨnɑmor infɑmien, Meri, piɑn Mɑɡdɑlɑ, mɨne Sɑlome, mɨne Meri, nɨsɨn Jemes, krhɨvǝn mɨrhɨwǝh nɨmrɨ nɨmɑr nɑi tɨksɨn yɑme nǝmiovɨn rɑpien huvǝ. Mrhɨvǝn mǝ tukrhor-pǝn ye nɨprɑi Yesu. 2 Kɨni rɨkwɑmɨr kɨn, ye Sɑnde, yenpɨɡenpɨɡ ǝɡkǝp, krhɨvǝn ikɨn nɨprɑi Yesu rɑmǝmɨr ikɨn. Mɨrh rɨrikɑkun mɑmhɑktǝ, 3 krhɨvǝn hɑnǝ ye swɑtuk, mɨrhɨni-pǝn tuk ǝrisɨr mrhɨmǝ, “?Pɑ tukrɑsitu irǝtɑsɨr tuk nǝsoktɑyen kɨn kɑpier yɑme kɨmnhɑukrɑi ǝswɑsɨɡ pǝn tuk Yesu?” 4 Irisɨr kɨrhɨni mǝknɑikɨn meinɑi kɑpier ɑi in rehuǝ pɨk, mǝrɨɡ kɨrhɨni hɑnǝ mɨrhɑrhɑ-pǝn, mɨrhǝm mǝ kɨnǝsok tɑ kɨn kɑpier ɑi.
5 Krhɨvǝn imǝ ye nǝpɑɡ kɑpier ɑi, mɨrhǝm pɨkwɑrien kɨrik, kɑfɑn kot rɑpǝmh mhɑwɨn. Rɑmkwǝtǝ ye kwermɨrisɨr mɑtuk. Kɨrhǝm, kɨrhɑkur. 6 Mǝrɨɡ rɨnipǝn tuk ǝrisɨr mɨmǝ, “Tɑkrhɨpǝh nɨrhɨɡɨnien. Yɑkɨrkun mǝ nɑkɑrhɑrhɑkɨn Yesu yemǝ Nɑsɑret, yɑme kɨmɨruk hɑktǝ ye nɑi kɑmɑrkwɑo kɨn. Mǝrɨɡ In rɨrkǝk ikɨn e. Ruǝmrɑɡh-tɑ. Rhuǝru mɨrhǝm. Tɑmhekɨn e kɨmnǝrǝhu ikɨn. 7 Tɑkrhɨvǝn mɨrhɨni-ǝrhɑvpǝn tuk nɑrmɑmǝ mɨne Pitɑ mɨrhɨmǝ, ‘In rɨnǝkupǝn tɑ kɨn ǝmiǝ muɑvǝn ɑpɑ Gɑlili. Nɑkhɑrkun nɨsǝmien In ɑikɨn, rǝmhen kɨn yɑme In rɨnɨpre tɑ tuk ǝmiǝ.’ ”
16.15-16
15 Kɨni rɨnipǝn tuk kɑfɑn nɑrmɑmǝ mɨmǝ, “Tɑksǝkeikei mhɑvǝn mɨsɑrkurɑo ye tɑnɨmtɑnǝ mhɑniǝrhɑv nǝɡkiɑrien huvǝ kɑpe Kuɡhen. 16 Yermɑmǝ yɑme rhɑtǝtǝ irɑk, kɨni mor bɑptɑes, Kuɡhen tukrɨwǝhsipǝn nɨmrɑɡhien rerɨn kɨmin. Mǝrɨɡ yermɑmǝ yɑme rɨpǝh nɨniyen nǝfrɑkɨsien irɑk, Kuɡhen tukrɨni mǝ tukrɨwǝhsipǝn nɑrpɨnien kɨmin mǝ tukrɨvǝn ɑpɑ ye nɑp ehuǝ.
16.19-20
19 Yesu Yermɑru rɑmǝɡkiɑr kɨmi ǝriǝ, mɑmor infɑmien, Kuɡhen rɨwǝh In mhɑktǝ mɨvǝn ye rɑo ye neɑi. Tɑktǝkun, rɑmǝkwǝtǝ ye kwermɨn mɑtuk. 20 Kɨni nɑrmɑmǝ kɑfɑn khɑtǝrhɑv mɨsǝvsɑo kɨn Nǝɡkiɑrien Huvǝ ikɨn mɨnǝfɑm. Kɨni In rɑmɑsitu irǝriǝ. Kɨni mɑmor nɨmtǝtien rɨpsɑɑh mǝ nɑrmɑmǝ tukhɑni nǝfrɑkɨsien irɑn.
¹ — 12:30 Loɑ e rɑmǝmɨr ye Dutronome 6:4-5.
² — 12:31 Loɑ e rɑmǝmɨr ye Levitikɑs 19:18.
³ — 15:34 Yesu rɑmni Sɑm kɨrik ikɨn e, ye Sɑm 22:1. Nɨmhǝyen kɑpe Yesu rɨmnor fulfilem ye profesi ye Sɑm 22.
Jon Bɑptɑes rɑmǝmɨr ikɨn ruhiko ikɨn mɑmniǝrhɑv nǝɡkiɑrien
(Mɑtiu 3:1-12; Luk 3:1-18; Jon 1:19-28)
1 In e Nǝɡkiɑrien Huvǝ kɑpe Yesu Kristo, Ji Kuɡhen.
1.14-15
Nɨrikɑkunien kɑpe Yesu rɑmniǝrhɑv kɑfɑn Nǝɡkiɑrien Huvǝ ye Gɑlili
(Mɑtiu 4:12-17; Luk 4:14-15)
14 Mǝknekɨn, khɑrǝhsi-pǝn Jon ye kɑlɑbus. Kɨni ɑi, Yesu rɨpiuǝ ye Gɑlili. In mɑmni-ǝrhɑv Nǝɡkiɑrien Huvǝ kɑpe Kuɡhen. 15 Mɨmǝ, “Tɑktǝkun ɑi, rɨnor ɑtuɑtuk nɨpɨɡ. Nɑrmɑruyen kɑpe Kuɡhen ruɑuǝ-tɑ. Tɑksɑrɑr ye nǝrɨɡien kɑpemiǝ tuk tǝvhɑɡǝ hɑh kɑpǝmiǝ, mhɑni nǝfrɑkɨsien ye Nǝɡkiɑrien Huvǝ kɑpe Kuɡhen.”
1.21-27
Yesu rɨmnɑkotɑ yɑrhmǝ ye yermɑmǝ kɨrik
(Luk 4:31-37)
21 Yesu mɨne nɑrmɑmǝ kɑfɑn khɑvǝn ɑpɑ yerkwɑnu kɨrik, nhɑɡɨn e Kɑpɑneɑm. Ye Sɑbɑt yɑme rɑkwɑsɨɡ, Yesu rɨvǝn ɑpɑ nimǝhuɑk kɑpe nǝmǝ Isrel, kɨni mɑmhɑjoun nɑrmɑmǝ. 22 Nɑrmɑmǝ kɨmɨsǝrɨɡ kɑfɑn nǝɡkiɑrien, kɨsɑkur, meinɑi kɑfɑn nǝɡkiɑrien nɑnmɨn ɑikɨn, rɨpǝh nǝmhenien kɨn nǝɡkiɑrien kɑpe nǝmhɑjoun kɑpe Loɑ kɑpe Moses. 23 Ye nɨpɨɡ ɑ, yermɑmǝ kɨrik, nɑnmɨn hɑs rɑmǝmɨr irɑn. Kɨni in ruǝ mɨn ye nofuɡɨnien kɑpǝriǝ. Kɨni ɑi in mokrɑpǝmh kɨn Yesu mɨmǝ, 24 “Eh, Yesu, yemǝ Nɑsɑret, ?Ik nɨmɑuǝ ikɨn e mǝ tɑkhɑwor ǝmɑwǝ? Tukmǝ ror Ik nɨmɑuǝ mǝ tɑkoriɑh ǝmɑwǝ. Yo yɑkwɨrkun-tɑ mǝ Ik e Ik Yemǝ Imǝrhɑkǝ kɑpe Kuɡhen.” 25 Mǝrɨɡ Yesu rɨmnǝɡkiɑr-pǝn skɑi kɨmi nɑnmɨn hɑs ɑi, mɨmǝ, “!Eh! Pim. ǝtɑ ye yermɑmǝ e.” 26 Mǝknekɨn, nɑnmɨn hɑs ɑi ror nɨprɑi yermɑmǝ rǝtǝmnɨmɨn pɨk kɨni mokrǝn ehuǝ, mǝtɑ irɑn, mɨvǝn isok. 27 Kɨni nɑrmɑmǝ mɨnǝ ɑikɨn kɨsɑkur, mɨsɑiyoh ǝriǝ mɨnǝ mhɑmǝ, “!Eh! ?Rhɑwor e? Nǝɡkiɑrien vi kɨrik e. Kwǝn e kɑfɑn nǝɡkiɑrien ror nɑnmɨn. Tukmǝ In rǝɡkiɑr kɨmi nɑnmɨn hɑs mɨnǝ kɑsor nǝkwɑn.”
1.32-34
32 Kɨni rɨnɑmenɑiyu, nɑrmɑmǝ yɑmǝ mɨne kɨmnhɑmhǝ, mɨne nɑrmɑmǝ yɑmǝ mɨne nɑnmɨn hɑs rɑmǝmɨr irǝriǝ, iriǝ mɨnǝtɨksɨn kɨmnhɑkɨr-pǝ ǝriǝ tuk Yesu. 33 Nɑrmɑmǝ mɨnǝ fɑm ɑ yerkwɑnu ɑikɨn, kɑsofuɡɨn ǝriǝ mɨnǝ e ye kworuǝ ye nimǝ Yesu rɑmɑrǝ ikɨn. 34 Kɨni Yesu ror huvǝ nɑrmɑmǝ khɑpsɑɑh yɑmǝ mɨne kɨmnhɑwǝh nɨmhǝyen pɨsɨn pɨsɨn. In mɑmǝkotɑ mɨn nɑnmɨn hɑh mɨnǝ ye nɑrmɑmǝ, mɑmni-ǝhu nɑnmɨn hɑs mɨnǝ mǝ tukhɑpǝh nɨsǝɡkiɑrien, meinɑi iriǝ kwǝnhɑrkun-tɑ In.
2.1-12
Yesu rɨmnor huvǝ yermɑmǝ kɨrik nɨprɑn rɨmɑmhǝ
(Mɑtiu 9:1-8; Luk 5:17-26)
1 Nɨpɨɡ tɨksɨn ruǝ mɨvǝn, Yesu rɨrerɨɡ muǝ mɨn yerkwɑnu ye Kɑpɑneɑm. Kɨni nɑrmɑmǝ kwǝsǝrɨɡ mǝ In ɑikɨn. 2 Kɨni ɑi, nɑrmɑmǝ khɑpsɑɑh khɑvǝn ɑikɨn, mhɑvǝn imǝ, kwǝnhmɑn rɨmǝrkǝskǝh. Nimǝ rukwɑr meriɑji kworuǝ rɨsisǝɡ. Kɨni ɑi Yesu rɑmni-ǝhrɑv-pǝn Nǝɡkiɑrien Huvǝ kɑpe Kuɡhen tuk ǝriǝ. 3 Mǝrɨɡ nɨpɨɡ rɑmǝɡkiɑr hɑnǝ, nɑrmɑmǝ kuɑs khɑrɨh yermɑmǝ kɨrik nɨprɑn rɨmɑmhǝ. 4 Mǝrɨɡ, iriǝ to khɑpǝh nhɑrɨhyen yermɑmǝ ɑi mhɑvǝn ipɑkǝ tuk Yesu meinɑi nimǝ rukwɑr kɨn nɑrmɑmǝ. Kɨni kɨshɑktǝ ɑpɑ tokrei nimǝ, mɨsǝhipu-tɑ nɨkɑr nimǝ kɨrik, kɨni mhɑrɨh nɨkǝokǝo yermɑmǝ rɑmɑpɨr pǝn irɑn, mhɑvi, reiwɑiyu-pǝn. 5 Nɨpɨɡ Yesu rǝm nhɑtǝtǝyen kɑpǝriǝ, rɨni-pǝn tuk yermɑmǝ ɑi nɨprɑn rɨmɑmhǝ, mɨmǝ, “Kɑfɑk kwɑjikovǝ, Yo yɑkwǝrɨhsi-tɑ tɑ tǝvhɑɡǝ hɑh kɑfɑm.” 6 Mǝrɨɡ nɑmhɑjoun tɨksɨn kɑpe Loɑ kɑpe Moses kɑsɑkwotǝ, mɨsǝm norien ɑ, mɨnǝsɑiyoh ǝriǝ mɨnǝ tukun. 7 Khɑni mhɑmǝ, “?Rhɑwor kwǝn e rɑmni hɑh Kuɡhen? Nǝɡkiɑrien e rɑhɑs. Kuɡhen pɨsɨn ǝmǝ In rɨrkun nɨrɨhsitɑyen tǝvhɑɡǝ hɑh kɑpe nɑrmɑmǝ. !Pɑ mɨn ɑi tukrɨwǝhsitɑ!” 8 Mǝrɨɡ Yesu ruɨrkun-tɑ nǝrɨɡien kɑpǝriǝ. Kɨni ɑi mɨnɑmni-pǝn tuk ǝriǝ, mɨmǝ, “?Rhɑwor e nɑkɑsǝrɨɡ mǝknekɨn? 9 ?Jɑknipǝn nɑhɑ tuk yermɑmǝ ɑ, kɨni kɨmiǝ nɑkɑsǝm ǝfrɑkɨs? ?Mǝ jɑkni-pǝn tuk yermɑmǝ ɑ mǝ kɑfɑn tǝvhɑɡǝ hɑh yɑkwǝrɨhsi-tɑ tɑ? ?Uǝ mǝ jɑkni mǝ yermɑmǝ tukrhekɨmter mɨrǝh kɑfɑn nɨkǝokǝo meriwɑk mɑmvǝn? 10 Sǝmru, Yo yɑkorkeikei mǝ jɑkor yo mǝ tɑkhɑrkun mǝ Ji Yermɑmǝ rɑwǝh nehuǝyen ye tokrei nɨmoptɑnǝ e tuk nɨwǝhsitɑyen tǝvhɑɡǝ hɑh kɑpe nɑrmɑmǝ.” Mǝkneikɨn rɨnipǝn tuk yermɑmǝ nɨprɑn rɨmɑmhǝ mɨmǝ, 11 “Yɑkɑmni-pre tuk ik mǝ, ‘Tɑkhekɨmter, mɨrǝh kɑfɑm nɨkǝokǝo, meriwɑk, mɑmvǝn ɑpɑ imɑm yerkwɑnu.’ ” 12 Yesu rɑmǝɡkiɑr hɑnǝ, kɨni yermɑmǝ ɑi rhekɨmter, mɨrǝh kɑfɑn nɨkǝokǝo ye nɨmrɨriǝ, meriwɑk mɑmvǝn. Mǝknekɨn kɨmǝsǝm kɨsɑkur. Mɨsǝɡnǝɡɨn Kuɡhen, mɑmhɑni mǝ, “!Eh! Kɨtɑwǝ khɑpǝh nɨsǝm-hɑnǝ-yen nɑr kɨrik ror mǝknekɨn.”
4.35-41
Yesu rɨmɨniǝhu nɨmǝtɑɡ ehuǝ ye tɑme tɑhik
(Mɑtiu 8:23-27; Luk 8:22-25)
35 Kɨni ye nɨpɨɡ ɑ, mɨrh rɨnɑmewɑiyu, Yesu rɨnipǝn tuk kɑfɑn nɑrmɑmǝ mɨnǝ mɨmǝ, “Pǝh khɑvǝn ɑpɑ nɨkɑr tɑhik pǝn.” 36 Kɨni kɨsɑptɑ ye nɑrmɑmǝ, mɨsɑt-pǝn ye bot yɑme Yesu rɑmkwotǝ irɑn, mhɑvirǝ. Kɨni bot mɨnǝ tɨksɨn kɨmnhɑkwɑsɨɡ mɨn kɨn ǝriǝ. 37 Mhɑvirǝ, mhɑvirǝ, nɨmǝtɑɡ ehuǝ kɨrik rɑvǝn kɨni tɑhik rehuǝ pɨk, ipɑkǝ rɑkǝtǝnɨm kɨn bot. 38 Mǝrɨɡ Yesu in rɑmɑpɨr mɑmǝsɑvǝ huvǝ ye nǝkwɑi bot. Mǝrɨɡ nɑrmɑmǝ kɑfɑn kɨmnhɑsɨɡ In. Mhɑmǝ, “Yɑjoun, !ǝmru! !Tuksǝmnɨm tɑktǝkun, mǝrɨɡ Ik nɑkpǝh nǝrɨɡien!”
39 Mǝkneikɨn Yesu rhekɨmter mǝɡkiɑr kɨmi nɨmǝtɑɡ mɨne tɑhik mɨmǝ, “Rɑpǝhrǝ.” Kɨni ɑi nɨmǝtɑɡ rewɑiyu, tɑhik reiwɑiyu; mɑmǝrinu mɨn.
40 Kɨni Yesu rɨnipǝn tuk kɑfɑn nɑrmɑmǝ mɨmǝ, “?Nɑkshɑwor mɑmhɑɡɨn mǝknekɨn? ?Nhɑtǝtǝyen kɑpǝmiǝ rɨrkǝk hɑnǝ uǝ?”
41 Mǝrɨɡ iriǝ kwǝnhɑɡɨn pɨk. Mɑmhɑni-pǝn tuk ǝriǝ mɨnǝ mhɑmǝ, “?Nɑhɑ e yermɑmǝ? !Rǝɡkiɑr, nɨmǝtɑɡ mɨne nu kwor nǝkwɑn!”
5.22-24
22 Yɑmehuǝ kɨrik kɑpe nimǝhuɑk kɑpe nǝmǝ Isrel, nhɑɡɨn e Jɑerɑs, ruǝ mǝm In. Nɨpɨɡ rɨmnǝm Yesu, ruǝ mɨnɨmkur ye nɨmrɨn 23 kɨni mɑsǝk ǝtɡɨn, mɨmǝ, “Yɑjoun, piɑkǝskǝh kɑfɑk nɨmhǝyen rɨnerieji. Yuǝru mǝrǝhu-pǝn kwermɨm irɑn, pǝh in rǝsɑnɨn.” 24 Kɨni Yesu rɨvǝn iriu min.
5.35-42
35 Nɨpɨɡ Yesu rɑmǝɡkiɑr hɑnǝ, nɑrmɑmǝ tɨksɨn khɑsɨpǝn ɑpɑ ime Jɑerɑs, yɑmehuǝ kɨrik kɑpe nimǝhuɑk kɑpe nǝmǝ Isrel, khɑtǝrhɑvpǝ. Mhɑnipǝn tuk Jɑerɑs mhɑmǝ, “Tɑkpǝh norien nɑrkutien kɨmi Yɑjoun e kɨn neriwɑkien. Kɑfɑm piɑkǝskǝh ruɑmhǝ tɑ.”
36 Kɨni Yesu rɨmnǝrɨɡ khɑni mǝknɑkɨn, rɨnipǝn tuk Jɑerɑs mǝ, “Rɨkim tukrɑpǝh nɑpoyen. Tɑkhɑtǝtǝ ǝmǝ irɑk.”
37 Kɨni Yesu rɨniǝhu nɑrmɑmǝ mǝ tukhɑpǝh nhɑkwɑsɨɡien kɨn. Kɨni in mɨkɨr ǝmǝ Pitɑ, Jemes, mɨne Jon, piɑu Jemes irisɨr min. 38 Khɑtǝrhɑv-pǝ ime yemehuǝ ɑ. Yesu rǝm mǝ nɑrmɑmǝ khɑpsɑɑh ɑikɨn. Kɑsɑsǝk mɑmhɑurɨɡ-urɨɡ pɨk. 39 Rɑuru-pǝn imǝ mɨnipǝn tuk ǝriǝ mǝ, “?Rhɑwor nɑkɑmhɑurɨɡ-urɨɡ pɨk ɑ? Piɑkǝskǝh rɨpǝh nɨmhǝyen, mǝrɨɡ in rɑmɑpɨr ǝmǝ.” 40 Kɨsǝrɨɡ kɨsɑrh iɑkei irɑn.
Mǝknekɨn Yesu rher yerhɑv kɨn ǝriǝ ɑpɑ iruǝ, kɨni mɨpǝh ǝmǝ rɨm piɑkǝskǝh ɑi, mɨne nɨsɨni mɨne kwǝrǝ misɨr ɑi yɑme kɑrhkwɑsɨɡ kɨn In. Khɑvǝn mɨsǝm piɑkǝskǝh ɑi. 41 Yesu rɨwǝh kwermɨn mɨnipǝn tukun mǝ, “Tɑlitɑ kum.” (Ye nǝɡkiɑrien kɑpǝriǝ, nɨprɑn rɨmǝ, “Piɑkǝskǝh, yɑkɑmni-pre tuk ik mǝ, ‘Hekɨmter.’ ”) 42 Mǝknekɨn, piɑkǝskǝh ɑi rhekɨmter meriwɑk. (Piɑkǝskǝh ɑi kɑfɑn newk twelef). Kɨmǝsǝm norien ɑi Yesu rɨmnor, kɨsɑkur pɨk.
7.18-23
18 Kɨni rɨnipǝn tuk ǝriǝ mɨmǝ, “?Rhɑwor? ?Kɨmiǝ mɨn nɑkseinein? Tɑkhɑrkun mǝ nɑrɨmnɑr yɑme kɑmǝn to rɑpǝh norien yermɑmǝ rǝmkɨmɨk ye nɨmrɨ Kuɡhen. 19 Nɑrɨmnɑr yɑme ror mǝknɑkɨn to rɨpǝh nɨvǝnien yerkin. Mɨvǝn ye tɨpeuǝ en mɨpitǝrhɑv hɑnǝ mɨn.” (Nǝɡkiɑrien ɑ kɑpe Yesu rɨni huvǝ fɑm nǝvɨɡɨnien mɨnǝ ye nɨmrɨ Kuɡhen).
20 Kɨni In mɨmǝ, “Mǝrɨɡ nɑrɨmnɑr yɑme rɑmsɨ-pǝn yerki yermɑmǝ in en rɑmor yermɑmǝ rɑmǝmkɨmɨk ye nɨmrɨ Kuɡhen. 21 Meinɑi in ɑi yerki yermɑmǝ, nǝrɨɡien hɑh rɨpsɑɑh, rǝmhen kɨn nǝkrǝhyen kɨn pirɑovǝn, nhopniyen yermɑmǝ, nɑpɨr-pǝnien tuk piɑkwǝnɑhin, nǝkrǝhyen, 22 nǝptɨɡien kɨn nɑutǝ, norien hɑs, nor ɑpnɑpɨɡien nɑr, neikuǝyen, nɨniyen nɨkɑr jir, nɑnipɨnien, nǝɡkiɑr-ɑusitien, mɨne nǝtǝwɑoyen. 23 Norien hɑs mɨnǝ ɑ kɑmhsɨ-pǝn yerki yermɑmǝ mor yermɑmǝ rɑmǝmkɨmɨk ye nɨmrɨ Kuɡhen.”
9.2-8
Nɨprɑi Yesu rukrekɨn pɨsɨn
(Mɑtiu 17:1-9; Luk 9:28-36)
2 Nɨpɨɡ sikis ruǝ mɨn, Yesu rɨkɨr Pitɑ, Jemes mɨne Jon mɨshɑktǝ fiɑk ye tukwɑs ǝpomh kɨrik. Irisɨr pɨsɨn ǝmǝ kɨmɨrhkwɑsɨɡ kɨn. Nɨpɨɡ khɑrɑrer mhrǝm mǝ nɨprɑi Yesu rukrekɨn pɨsɨn. 3 Nepǝn kɑfɑn rhɑwǝn pɨk. Kɨni to yermɑmǝ kɨrik ye tokrei tɑnǝ e rɨpǝh norien nepǝn kɨrik rhɑwǝn mǝsiǝ mǝknɑkɨn. 4 Kɨni yermɑmǝ misɨr ɑi kɑfɑn krhǝm yemɑsur kupǝn mir kɑpe Kuɡhen kɨrɑru, Elɑejɑ mɨne Moses, krɑtǝrhɑv-pǝ mɨn, mɑwǝɡkiɑr irisɨr Yesu.
5 Kɨni Pitɑ rɨnipǝn mɨn tuk Yesu mǝ, “Yɑjoun, rhuvǝ mǝ kɨmɑsɨr jɑkǝhrɑrǝ ǝmǝ ikɨn e. Pǝh jɑkrhor kwǝnǝnɨm nimǝ kɨrik. Kɑfɑm kɨrik, kɑpe Moses kɨrik, kɨni kɑpe Elɑejɑ kɨrik.” 6 (Khrɨɡɨn, kɨni Pitɑ rɨmnǝɡkiɑr ɑpnɑpɨɡ ǝmǝ).
7 Mǝknekɨn nǝpuǝ kɨrik reiwɑiyu, muvrɨɡ ǝpɨs ǝriǝ. Kɨsǝrɨɡ nǝɡkiɑrien kɨrik rɨsɨ-pǝn ye nɑpuǝ mɨmǝ, “In e Nɑrɨk keikei yɑkorkeikei pɨk. !Tɑksǝtǝrɨɡ kɨn In!”
8 Mǝknekɨn, krhɑrhɑhɑ, mrhɨpǝh mɨn nɨrhǝmien ǝriu. Yesu pɨsɨn ǝmǝ rɑmɑrer.
12.28-31
Loɑ nɑhɑ ɑi in rehuǝ pɨk
(Mɑtiu 22.34-40; Luk 10.25-28)
28 Kɨni yɑjoun kɨrik kɑpe loɑ kɑpe Moses rɨmnǝrɨɡ nǝɡkiɑrien mɨnǝ ɑi, mǝ Yesu rɑmoprɑi huvǝ, kɨni ruǝ mɨnɑmɑiyohpǝn In mɨmǝ, “?Nɑhɑ loɑ in rehuǝ pɨk rɑpitɑ tɨksɨn, kɨni mɨhuvǝ pɨk tuk nǝripǝnien?”
29 Kɨni Yesu rɨnipǝn tukun mɨmǝ, “Loɑ yɑme rehuǝ pɨk rɑpitɑ tɨksɨn in e rɑmni mǝknekɨn, ‘!Kɨmiǝ nǝmǝ Isrel! !Tɑksǝrɨɡ huvǝ! Kuɡhen in Yermɑru kɑpetɑwǝ. Kɨni In pɨsɨn ǝmǝ In Kuɡhen. 30 Tɑksǝkeikei mɨsorkeikei pɨk Kuɡhen ɑi In Yermɑru kɑpǝmiǝ ye rɨkimiǝ fɑm, mɨne ye nɑrǝyen kɑpǝmiǝ, mɨne ye nǝrɨɡien kɑpǝmiǝ, mɨne ye nǝsɑnɨnien kɑpǝmiǝ.’¹ 31 Loɑ yɑme rɨkwɑsɨɡ kɨn rɑmni mǝknekɨn, ‘Tɑksorkeikei nɑrmɑmǝ yɑmǝ mɨne kɑsɑrǝ ipɑkǝ tuk ǝmiǝ mɨsor huvǝ pǝn tuk ǝriǝ, rǝmhen kɨn yɑme kɨmiǝ nɑksorkeikei ɑtuk ǝmiǝ.’² Loɑ kɨrik mɨn rɨrkǝk yɑme in rɑpitɑ yɑmǝ mir e.”
14.10-11
Judɑs rɨneiɡhɑn kɨn Yesu kɨmi tɨkmɨr mɨnǝ kɑfɑn
(Mɑtiu 26.14-16; Luk 22.3-6)
10 Kɨni Judɑs Iskɑriot, in yermɑmǝ kɨrik ye nɑrmɑmǝ twelef kɑpe Yesu, rɨvǝn mǝm jif pris mɨnǝ tuk norien swɑtuk tuk neiɡhɑn-pǝnien kɨn Yesu. 11 Rɨvǝn mǝm ǝriǝ, rɨkiriǝ rɑɡien, kɨni kɨmnhɑni mǝ tukhɑwǝhsi-pǝn mɑne kɨmin. Kɨni Judɑs rɨvǝn, mɑmɑrǝ, meito kɨn nɨpɨɡ tuk neiɡhɑn-pǝnien kɨn Yesu kɨmi ǝriǝ.
15.6-15
Pɑelɑt rɨmǝ Yesu tukrɑmǝkeikei mɨmhǝ
(Mɑtiu 27.15-26; Luk 23.13-25; Jon 18.39--19.16)
6 Ye newk mɨnǝ fɑm, nɨpɨɡ kɑpe Nǝvɨɡɨnien kɑpe Pɑsovɑ, nǝmǝ Isrel khɑrkun nɨniyen nhɑɡ yermɑmǝ kɨrik kɨwǝhsi-pǝn tɑ ye kɑlɑbus, kɨni yɑmehuǝ rɨrɨsɨn kɨn kɨrik rɑmvǝn. 7 Kɨni nɑrmɑmǝ tɨksɨn kɑsǝmɨr ye kɑlɑbus meinɑi kɨmnhɑmǝ tukhɑuh ɡɑvmɑn, kɨni mɨshopni nɑrmɑmǝ tɨksɨn. Iriǝ kɨrik nhɑɡɨn e Bɑrɑbɑs. 8 Kɨni kuhen ɑi ruǝ mǝm Pɑelɑt mɑmɑiyoh-pǝn in mǝ tukror norien yɑme rɑmor rerɨn mɨrɨsɨn yermɑmǝ kɨrik ye kɑlɑbus. 9 Kɨni Pɑelɑt rɑiyoh ǝriǝ mǝ, “?Nɑksorkeikei mǝ jɑkrɨsɨn Yermɑru kɑpe nǝmǝ Isrel uǝ?” 10 In rɑmɑiyoh mǝknɑikɨn meinɑi in rɨnǝm tɑ mǝ jif pris mɨnǝ kɨmɨsǝrǝhu pǝn Yesu ye kwermɨn meinɑi kɑsǝmǝkɨn Yesu tuk yɑmɑi mǝ nɑrmɑmǝ fɑm kɨsorkeikei In.
11 Kɨni jif pris mɨnǝ kɨmnhɑni mhɑni pǝn tuk kuhen ɑi mhɑmǝ tukrɨpǝh neiɡhɑnien kɨn Yesu mǝ tukrɨtǝrhɑv. Mǝrɨɡ tukreiɡhɑn kɨn Bɑrɑbɑs. 12 Kɨni Pɑelɑt in rɑiyoh pǝn mɨn ǝriǝ mɨmǝ, “?Mǝrɨɡ jɑkhɑwor kwǝn yɑme kɨmiǝ nɑkɑmhɑni mǝ In Yermɑru kɑpe nǝmǝ Isrel?”
13 Kɨni iriǝ kɨsokrǝn ehuǝ mhɑmǝ, “!Tukruk ye nɑi kɑmɑrkwɑo kɨn!”
14 Mǝrɨɡ Pɑelɑt rɑiyoh pǝn mɨn ǝriǝ mǝ, “?Tuk nɑhɑ? ?Nɑhɑ norien yɑme rɨmnor rɑhɑs?”
Mǝrɨɡ iriǝ kɨsokrǝn ehuǝ pɨk mɨn mhɑmǝ, “!Tukruk ye nɑi kɑmɑrkwɑo kɨn!”
15 Kɨni Pɑelɑt rɨnorkeikei mǝ tukror rɨkiriǝ, meiɡhɑn kɨn Bɑrɑbɑs rɨtǝrhɑv ye kɑlɑbus. Kɨni rɨmǝ tukǝrkɨs-ǝrkɨs Yesu, kɨkɨr In kɑvǝn kɨruk ye nɑi kɑmɑrkwɑo kɨn.
15.33-39
Yesu rɨmɑmhǝ
(Mɑtiu 27.45-56; Luk 23.44-49; Jon 19.28-30)
33 Yerkwehɑ ǝmǝ, mǝrɨɡ nǝpɨɡnǝpien ruǝ muvrɨɡ ǝpɨs tɑnɨmtɑnǝ meriɑji tri klok. 34 Kɨni ye tri klok, Yesu rokrǝn ehuǝ mɨmǝ, “Eli, Eli. ?Lɑmɑ sɑbɑktɑni?” Nɨprɑn rɨmǝ, “!Kuɡhen kɑfɑk! !Kuɡhen kɑfɑk! ?Rhɑwor nɑkɑmɑpitɑn kɨn Yo?”³
35 Kɨni nɑrmɑmǝ tɨksɨn yɑmǝ mɨne kɑsɑrer ɑikɨn mɨsǝrɨɡ nǝɡkiɑrien ɑi kɨni mhɑmǝ, “Sǝrɨɡru. In rɑmokrǝn kɨn Elɑejɑ.” 36 Kɨni kwǝn kɨrik rɑiyu ǝtkin mɨvǝn mɨrǝh nɨpɑr-pɑr nepǝn meires ye wɑen ǝkwɑhir. Mǝrkɨs pǝn ye nɑi ǝpomh kɨrik kɨni mɨwǝhsihɑktǝ pǝn kɨmi Yesu mǝ tɨkrɨnɨm. Kɨni mɨmǝ, “Pǝh kɨsǝmru mǝ to Elɑejɑ ruǝ mɑsitu irɑn uǝ.”
37 Mǝrɨɡ Yesu rɑrǝ mokrǝn ehuǝ mɨn kɨni ɑi kɑfɑn neihɑɡien rɨtǝrhɑv.
38 Kɑfɑn neihɑɡien rɨtǝrhɑv ɑikɨn, kɨni nǝkwɑi nimǝ ehuǝ kɑpe Kuɡhen, kɨruk nepǝn kɨrik yɑme kɨmnǝtɑpɨɡ kɨn Kwǝnmhɑn yɑme Rǝmrhɑkǝ Mǝmrhɑkǝ pɨk. Nepǝn ɑ rǝhipu nɨpɑrɨn kɨrɑru. Rǝhipu ɑpɑ yerpɨrɨɡ ǝɡkɑp meiwɑiyu. 39 Kɨni yɑmehuǝ kɑpe mobɑel in rɑmɑrer ipɑkǝ tuk Yesu. Rɨmnǝm nɨmhǝyen kɑpe Yesu kɨni rɨni mɨmǝ, “Nǝfrɑkɨsien. Kwǝn e In Ji Kuɡhen.”
15.42-46
Josef rɨmɨnɨm Yesu
(Mɑtiu 27.57-61; Luk 23.50-56; Jon 19.38-42)
42 Nɨpɨɡ ɑ, khɑmni kɨmǝ nɑpnǝpenǝyen meinɑi tɨkni rɨkwɑmɨr kɨn nɨpɨɡ kɑpe Sɑbɑt. Ipɑkǝ mɨrh reiwɑiyu, 43 Josef, in yemǝ Arɑmɑtiɑ, rɨtǝrhɑv-pǝ. In yermɑmǝ kɨrik kɑpe kɑonsel kɑpǝriǝ, yɑme yermɑmǝ kɑmhɑsiɑi mɨn in. Kɨni in mɨn rɑmeito kɨn nɑrmɑruyen kɑpe Kuɡhen mǝ tukruǝ. Rɑmɡɨn pɑwk, mǝrɨɡ rɨmnɑrɑr mɨvǝn mǝm Pɑelɑt, kɨni rɑiyoh-pǝn kɨn in mǝ tukreiɡhɑn kɨn nɨprɑi Yesu. 44 Mǝrɨɡ Pɑelɑt rɨmnǝrɨɡ mǝ Yesu rɨmɑmhǝ ɑihuɑɑ ǝmǝ, kɨni rɑkur pɨk kɨn. Kɨni mokrǝn kɨn yɑmehuǝ kɑpe mobɑel mɑiyoh-pǝn in mǝ, “?Yesu ruɑmhǝ-tɑ ǝfrɑkɨs uǝ?”
45 Kɨni yɑmehuǝ ɑi reiɡhɑn kɨn. Pɑelɑt rɨmnǝrɨɡ mɨn nǝɡkiɑrien ɑ, reiɡhɑn kɨn Josef mǝ tukrɨvǝn mɨrǝh nɨprɑi Yesu. 46 Kɨni Josef rɨvǝn mɨrǝhsiǝhu Yesu ye nɑi kɑmɑrkwɑo kɨn. Mɨvǝn mɨwǝh nɨmrɨ nepǝn huvǝ kɨrik muǝ muvrɨɡ nɨprɑi Yesu kɨn nepǝn ɑi. Kɨni mɨrǝh mɨvǝn mǝrǝhu ye nǝpɑɡ kɑpier kɨrik yɑme kɨnor huvǝ tɑ. Kɨni mǝtɑpɨɡ ǝswɑsɨɡ kɨn kɑpier ehuǝ kɨrik.
16.1-7
Yesu rɨmǝmrɑɡh mɨn
(Mɑtiu 28.1-8; Luk 24.1-12; Jon 20.1-10) 1 Rɨnɑmenɑiyu, nɨpɨɡ kɑpe Sɑbɑt rɨnɑmor infɑmien, Meri, piɑn Mɑɡdɑlɑ, mɨne Sɑlome, mɨne Meri, nɨsɨn Jemes, krhɨvǝn mɨrhɨwǝh nɨmrɨ nɨmɑr nɑi tɨksɨn yɑme nǝmiovɨn rɑpien huvǝ. Mrhɨvǝn mǝ tukrhor-pǝn ye nɨprɑi Yesu. 2 Kɨni rɨkwɑmɨr kɨn, ye Sɑnde, yenpɨɡenpɨɡ ǝɡkǝp, krhɨvǝn ikɨn nɨprɑi Yesu rɑmǝmɨr ikɨn. Mɨrh rɨrikɑkun mɑmhɑktǝ, 3 krhɨvǝn hɑnǝ ye swɑtuk, mɨrhɨni-pǝn tuk ǝrisɨr mrhɨmǝ, “?Pɑ tukrɑsitu irǝtɑsɨr tuk nǝsoktɑyen kɨn kɑpier yɑme kɨmnhɑukrɑi ǝswɑsɨɡ pǝn tuk Yesu?” 4 Irisɨr kɨrhɨni mǝknɑikɨn meinɑi kɑpier ɑi in rehuǝ pɨk, mǝrɨɡ kɨrhɨni hɑnǝ mɨrhɑrhɑ-pǝn, mɨrhǝm mǝ kɨnǝsok tɑ kɨn kɑpier ɑi.
5 Krhɨvǝn imǝ ye nǝpɑɡ kɑpier ɑi, mɨrhǝm pɨkwɑrien kɨrik, kɑfɑn kot rɑpǝmh mhɑwɨn. Rɑmkwǝtǝ ye kwermɨrisɨr mɑtuk. Kɨrhǝm, kɨrhɑkur. 6 Mǝrɨɡ rɨnipǝn tuk ǝrisɨr mɨmǝ, “Tɑkrhɨpǝh nɨrhɨɡɨnien. Yɑkɨrkun mǝ nɑkɑrhɑrhɑkɨn Yesu yemǝ Nɑsɑret, yɑme kɨmɨruk hɑktǝ ye nɑi kɑmɑrkwɑo kɨn. Mǝrɨɡ In rɨrkǝk ikɨn e. Ruǝmrɑɡh-tɑ. Rhuǝru mɨrhǝm. Tɑmhekɨn e kɨmnǝrǝhu ikɨn. 7 Tɑkrhɨvǝn mɨrhɨni-ǝrhɑvpǝn tuk nɑrmɑmǝ mɨne Pitɑ mɨrhɨmǝ, ‘In rɨnǝkupǝn tɑ kɨn ǝmiǝ muɑvǝn ɑpɑ Gɑlili. Nɑkhɑrkun nɨsǝmien In ɑikɨn, rǝmhen kɨn yɑme In rɨnɨpre tɑ tuk ǝmiǝ.’ ”
16.15-16
15 Kɨni rɨnipǝn tuk kɑfɑn nɑrmɑmǝ mɨmǝ, “Tɑksǝkeikei mhɑvǝn mɨsɑrkurɑo ye tɑnɨmtɑnǝ mhɑniǝrhɑv nǝɡkiɑrien huvǝ kɑpe Kuɡhen. 16 Yermɑmǝ yɑme rhɑtǝtǝ irɑk, kɨni mor bɑptɑes, Kuɡhen tukrɨwǝhsipǝn nɨmrɑɡhien rerɨn kɨmin. Mǝrɨɡ yermɑmǝ yɑme rɨpǝh nɨniyen nǝfrɑkɨsien irɑk, Kuɡhen tukrɨni mǝ tukrɨwǝhsipǝn nɑrpɨnien kɨmin mǝ tukrɨvǝn ɑpɑ ye nɑp ehuǝ.
16.19-20
19 Yesu Yermɑru rɑmǝɡkiɑr kɨmi ǝriǝ, mɑmor infɑmien, Kuɡhen rɨwǝh In mhɑktǝ mɨvǝn ye rɑo ye neɑi. Tɑktǝkun, rɑmǝkwǝtǝ ye kwermɨn mɑtuk. 20 Kɨni nɑrmɑmǝ kɑfɑn khɑtǝrhɑv mɨsǝvsɑo kɨn Nǝɡkiɑrien Huvǝ ikɨn mɨnǝfɑm. Kɨni In rɑmɑsitu irǝriǝ. Kɨni mɑmor nɨmtǝtien rɨpsɑɑh mǝ nɑrmɑmǝ tukhɑni nǝfrɑkɨsien irɑn.
¹ — 12:30 Loɑ e rɑmǝmɨr ye Dutronome 6:4-5.
² — 12:31 Loɑ e rɑmǝmɨr ye Levitikɑs 19:18.
³ — 15:34 Yesu rɑmni Sɑm kɨrik ikɨn e, ye Sɑm 22:1. Nɨmhǝyen kɑpe Yesu rɨmnor fulfilem ye profesi ye Sɑm 22.
- Charis SIL 4.100 font release (Windows, Macintosh and Linux) NRSI staff, 2007-01-31 Download "CharisSIL4.100.zip", ZIP archive for users with WinZip, 2MB
- Charis SIL 4.100 font release (Windows and other) NRSI staff, 2007-01-31 Download "CharisSIL4.100.exe", Windows application, 2MB
- Charis SIL 4.100 font release (Debian package, GNU/Linux) NRSI staff, 2007-02-08 Download "ttf-sil-charis_4.100-1_all.deb", Debian Linux Package, 2MB
Copyright information: